Þrettándagleði Hattar

Þrettándagleði Hattar var haldin þriðjudaginn 6. janúar í Tjarnargarðinum. Lúðrasveit Fljótsdalshéraðs lék þar nokkur lög. Það var kalt í garðinum og þetta var ævintýraleg spilamennska að því leyti að ýmis hljóðfæri frusu og þurftu hljóðfæraleikarar að fara að bálinu sérstaklega til þess að affrysta þau! Tónlistarskólinn er stoltur stuðnings- og samstarfsaðili lúðrasveitarinnar og í henni eru kennarar og nemendur skólans ásamt öðrum hljóðfæraleikurum úr samfélaginu. Ef þið, eða einhver sem þið þekkið spilið á blásturs- eða slagverkshljóðfæri og eruð áhugasöm um að koma og spila með sveitinni tökum við fagnandi á móti nýjum meðlimum á æfingar á mánudagskvöldum í tónmenntastofunni!