Tónfundur hjá Hlín

Miðvikudaginn 5. maí kl. 18.00 var haldinn tónfundur í tónmenntastofunni þar sem fram komu nokkrir sönghópar sem hafa stundað nám hjá Hlín Pétursdóttur Behrens síðan í janúar. Það var vel mætt og þurfti að bæta við stólum. Fram komu sönghópar þriðja, fjórða, sjötta og sjöunda bekkjar auk söng dúós úr 7. bekk. Á efnisskráinni var m.a. Kvöldsigling eftir Gísla Helgason, Maístjarnan eftir Jón Ásgeirsson, Veran Vera eftir Hauk Tómasson, Castle on a Cloud eftir J. M. Schönberg og Shine Bright Like a Diamond með Rihönnu.  Allir flytjendur stóðu sig með prýði og var klappað lof í lófa af gestum tónfundarins.