Tónfundur hjá nemendum Charles

Miðvikudaginn 3. maí hélt Charles Ross, strengjakennari með meiru, tónfund fyrir nemendur sína í hátíðarsal Egilsstaðaskóla. Nemendur léku á fiðlu, víólu, selló og gítar auk þess að tvær strengjasveitir komu fram. Nemendur á öllum stigum  fluttu fjölbreytta tónlist við góðar undirtektir aðstandenda. Auk þess að leyfa nemendum að spila tók Charles sér tíma til þess að útskýra fyrir áhorfendum ýmislegt sem tengist námi á hin mismunandi strengjahljóðfæri. Tónfundir eru mikilvægur hluti af skólastarfinu og góð æfing fyrir nemendur í því að koma fram við aðstæður sem eru aðeins minna formlegar og hátíðlegar en eiginlegir tónleikar.