Tónfundur hjá söngnemendum

Þriðjudaginn 3. mars fengu nemendur Margrétar Láru söngkennara að láta ljós sitt skína á tónfundi sem haldinn var á bókasafni Egilsstaðaskóla. Óhætt er að segja að nemendur hafi staðið sig með mikilli prýði. Í boði voru fjölbreytt söngatriði og var bæði um einsöng og samsöng að ræða. Á efnisskránni voru aðallega popp- og rokklög af ýmsum toga. Sérstaklega var gaman að sjá hvað nemendur studdu hvern annan vel, til dæmis þegar tveir eldri nemendur komu einni yngri söngkonu til bjargar með því að syngja með þegar skyndileg forföll voru í einu atriðinu. Við þökkum nemendum og áheyrendum fyrir góða samverustund!