Tónfundur Margrétar Láru

Sönghóparnir kjúklingarnir og dúllurnar

Það var svo sannarlega ánægjuleg samverustund söngnema og aðstandenda á tónfundi Margrétar Láru, söngkennara, sem fram fór þriðjudaginn 17. apríl, en tónfundir eru nokkurskonar óformlegir æfingatónleikar fyrir nemendur. Á efnisskránni kenndi ýmissa grasa, allt frá poppi, rokki, kvikmyndatónlist og þjóðlagatónlist yfir í háklassíska óperutónlist. Bæði mátti heyra einsöng og samsöng og spiluðu sumir nemendur einnig á hljóðfæri ásamt því að syngja. Í ýmsum tilfellum voru nemendur að flytja lög sem einnig verða eða hafa verið flutt í fermingum eða útskriftarathöfnum, en það er afar ánægjulegt þegar það sem nemendur læra í Tónlistarskólanum nær út fyrir veggi skólans með þeim hætti.