Tónfundur Margrétar Láru

Margrét Lára Þórarinsdóttir hélt tónfund á síðasta kennsludegi skólans, þriðjudeginum 30. maí, en tónfundur eru einskonar óformlegir tónleikar og eru yfirleitt smærri í sniðum en venjulegir tónleikar. Komu þar saman söngnemendur og aðstandendur þeirra og áttu góða stund á bókasafni Egilsstaðaskóla. Á tónfundinum voru flutt hin ýmsu einsöngsatriði en tónlistin var fjölbreytt og skemmtileg, allt frá Eurovision til Radiohead. Flytjendur voru á ýmsum aldri, allt frá því að vera í öðrum bekk og upp í fullorðinsaldur. Nemendur stóðu sig afskaplega vel og var gaman að heyra hvað þeir hafa verið að fást við í sínu námi undanfarið. Til hamingju söngnemendur!