Tónfundur Möggu Láru

Margrét Lára Þórarinsdóttir, söngkennari, hélt tónfund á bókasafni Egilsstaðaskóla mánudaginn 17. maí. Komu þá saman söngnemendur hennar á ýmsum aldri og sungu bæði einsöng og í hópum. Söngleikjatónlist var áberandi á efnisskránni, enda eru nemendur á fullu að undirbúa söngleikjatónleika sem verða mánudagskvöldið 31. maí í Egilsstaðakirkju. Mátti meðal annars heyra lög úr Mamma Mia eftir ABBA, Annie, Hárinu, Grease, Galdrakarlinum í Oz og ýmsum Disney myndum. Nemendur stóðu sig allir með prýði og var afskaplega ánægjulegt að geta haldið þennan tónfund í skólanum. Við hlökkum svo til söngleikjatónleikanna og vonum auðvitað að sem flestir geti notið þeirra með okkur!