Tónfundur Tryggva

Nemendur Tryggva Hermannssonar, píanókennara, komu saman í tónmenntastofu Egilsstaðaskóla þann 22. mars og léku á tónfundi. Tónfundur eru nokkurskonar óformlegir ör-tónleikar, þar sem nemendum gefst tækifæri til þess að flytja tónlist og æfa sviðsframkomu í nánara og afslappaðra umhverfi heldur en formlegir tónleikar bjóða upp á. Nemendurnir stóðu sig allir vel og léku fjölbreytt úrval af píanóverkum og voru sígild tónlist, rokklög og þjóðlög mest áberandi á efnisskránni. Áhorfendur tóku flutningnum vel og studdu nemendurna vel. Þetta var kærkomið tækifæri fyrir nemendur að koma fram á skólaári þar sem ekki hefur verið mjög mikið um tækifæri til að koma fram!