Tónleikar á Dyngju

Nemendur Tónlistarskólans lögðu leið sína sem oftar á hjúkrunarheimilið Dyngju þriðjudaginn 25. nóvember til þess að spila og syngja fyrir íbúa og aðra gesti. Að þessu sinni var söngur og píanóleikur ráðandi, þó að gítar hafi líka brugðið fyrir. Það er aðeins farið að örla á jólalögum hjá okkur núna, en þessir tónleikar voru að mestu önnur tónlist en jólalög. Eftir þetta skiptum við hins vegar algjörlega yfir í jólagírinn! Nemendur stóðu sig mjög vel að vanda og fluttu vel undirbúin atriði og sýndu góða sviðsframkomu. Við þökkum starfsfólki og íbúum Dyngju kærlega fyrir móttökurnar og hlökkum til næstu tónleika!