Tónleikar á Dyngju

Tónlistarskólinn hélt sína mánaðarlegu tónleika á hjúkrunarheimilinu Dyngju þriðjudaginn 21. mars. Að þessu sinni voru söngnemendur á öllum aldri áberandi á dagskránni, en einn og einn píanónemandi kom þó einnig fram. Heyra mátti fjölbreytt lög: sígilda tónlist, þjóðlagatónlist, söngleikjatónlist og popptónlist og bæði var um að ræða samsöng og einsöng. Nemendurnir stóðu sig með mikilli prýði og var vel tekið af áheyrendum. Þetta var ánægjuleg stund og alltaf jafn frábært fyrir nemendur að fá að koma þarna fram. Við þökkum íbúum og starfsfólki Dyngju enn og aftur kærlega fyrir móttökurnar og hlökkum til að koma aftur á Dyngju í apríl.