Tónleikar á Dyngju

Tónlistarskólinn hélt sína mánaðarlegu tónleika á hjúkrunarheimilinu Dyngju þriðjudaginn 25. apríl. Var þetta einstaklega ljúf stund þar sem nemendur sýndu hvað þeir eru búnir að vera að læra á skólaárinu og stóðu sig allir með mikilli prýði og voru þarna greinilega unnir stórir persónulegir sigrar hjá sumum nemendum. Á tónleikunum mátti heyra leikið á píanó, fiðlu, selló og gítar auk einsöngs. Á dagskrá voru þjóðlög, klassísk tónlist og söngleikjatónlist. Íbúar og starfsfólk Dyngju tóku vel á  móti okkur að vanda og við þökkum þeim kærlega fyrir móttökurnar. Við hlökkum svo til þess að koma aftur í Dyngju í næsta mánuði!