Tónleikar á Dyngju

Nemendur og kennarar Tónlistarskólans lögðu leið sína á hjúkrunarheimilið Dyngju þriðjudaginn 25. mars til að spila og syngja fyrir íbúa og gesti. Efnisskráin var fjölbreytt og mátti heyra allt frá mjög ungum nemendum og upp í langt komna leika listir sínar. Á dagskrá voru söngatriði, fiðluleikur, píanóleikur og blokkflautuleikur og tónlistin var allt frá því þjóðlagatónlist og popptónlist yfir í háklassísk verk. Það er því óhætt að fullyrða að efnisskráin hafi verið fjölbreytt og skemmtileg og nemendur stóði sig með stakri prýði, allir sem einn. Við þökkum íbúum og starfsfólki Dyngju fyrir frábærar móttökur og hlökkum til að koma aftur!