Tónleikar á Dyngju

Nemendur og kennarar Tónlistarskólans lögðu leið sína á hjúkrunarheimilið Dyngju sem oftar þann 29. apríl. Fengu íbúar og aðrir gestir að heyra söng, píanóleik og slagverksleik á þessum tónleikum. Dagskráin var að vanda fjölbreytt, með góðri blöndu af þjóðlagatónlist, popptónlist og klassískri tónlist og nemendur voru á öllum aldri og á ólíku námsstigi. Nemendur stóðu sig frábærlega og áheyrendur tóku vel á móti þeim á þessum fallega vordegi. Við þökkum íbúum og starfsfólki Dyngju innilega fyrir móttökurnar og hlökkum mikið til að fara aftur á Dyngju, en næstu tónleikar þar, og jafnframt þeir síðustu á skólaárinu, eru áætlaðir 27. maí.