Tónleikar á Dyngju

Síðustu tónleikar skólaársins á hjúkrunarheimilinu Dyngju fóru fram þann 27. maí. Mátti þar kenna ýmissa grasa, en nemendur léku á píanó, gítar og saxófón og ukulele fyrir íbúa og aðra gesti auk þess að syngja. Á tónleikunum mátti heyra sígilda tónlist og þjóðlagatónlist auk þess að einn nemandi flutti afskaplega fallegt og sumarlegt frumsamið lag. Á tónleikunum voru nokkrir nemendur að stíga á svið í fyrsta sinn á sín hljóðfæri og var það sérstaklega ánægjulegt að sjá. Nemendur stóðu sig alveg frábærlega og við óskum þeim til hamingju með flutninginn auk þess að við þökkum íbúum og starfsfólki kærlega fyrir!