Tónleikar á Dyngju

Fyrstu tónleikar skólaársins á hjúkrunarheimilinu Dyngju fóru fram þriðjudaginn 30. september kl. 15:00. Það er óhætt að segja að árið fari vel af stað. Nemendur stóðu sig alveg frábærlega og þess má geta að þarna á meðal voru nemendur sem byrjuðu bara að æfa á sín hljóðfæri í haust, og því alveg sérstaklega frábært að þeir skyldu strax vera farnir að koma fram á tónleikum. Á tónleikunum mátti heyra leikið á píanó, saxófón, xýlófón og blokkflautu og samanstóð efnisskráin af þjóðlagatónlist, sígildri tónlist og ýmsum barnalögum. Íbúar og aðrir áheyrendur tóku vel á móti flytjendum og við þökkum fyrir okkur!