Tónleikar á Dyngju

Aðrir tónleikar ársins á hjúkrunarheimilinu Dyngju fóru fram þriðjudaginn 28. október. Að þessu sinni léku nemendur á píanó, ukulele, selló og gítar auk þess að syngja. Á tónleikunum mátti heyra sígilda tónlist, þjóðlagatónlist og rhythm & blues. Það er sérstaklega gaman að segja frá því að á tónleikunum voru þrjú frumsamin lög eftir nemendur, en mikil gróska hefur verið í tónsmíðum hjá nemendum skólans að undanförnu. Íbúar og starfsfólk tóku vel á móti okkur og þarna var mjög góð stemning. Við þökkum kærlega fyrir frábærar móttökur og hlökkum til að koma aftur á Dyngju með hóp flottra nemenda í nóvember!