Tónleikar á Dyngju

Nemendur og kennarar Tónlistarskólans lögðu leið sína á hjúkrunarheimilið Dyngju þriðjudaginn 27. janúar til að syngja og spila fyrir íbúa. Að þessu sinni var mikill meirihluti flytjenda söngnemendur, en einn fiðluleikari kom einnig fram. Nemendur fluttu fjölbreytt úrval af lögum með glæsibrag. Það var sérstaklega gaman að sjá hversu margir nemendur voru að vanda sig við þætti eins og sviðsframkomu og hljóðnematækni. Einnig var sérstaklega gaman að því hversu margir af nemendunum voru að koma fram sem söngvarar eða einsöngvarar í fyrsta sinn og hvað þeir stóðu sig vel í því. Við þökkum íbúum og starfsfólki Dyngju kærlega fyrir móttökurnar.