Tónleikar á Dyngju

Nemendur og kennarar Tónlistarskólans héldu tónleika á hjúkrunarheimilinu Dyngju þriðjudaginn 24. febrúar. Að þessu sinni voru það nemendur Mairi, Wes, og Margrétar Láru sem komu fram. Nemendurnir stóðu sig allir með glæsibrag og var þetta fjölbreytt og skemmtileg efnisskrá, með þjóðlagatónlist, kvikmyndatónlist, popptónlist og klassískri tónlist. Á tónleikunum var meðal annars svolítið um samspil strengjahljóðfæra og slagverks, sem var mjög skemmtilegt. Nemendur stóðu sig allir alveg frábærlega og voru til fyrirmyndar bæði varðandi góðan undirbúning og flotta sviðsframkomu. Við þökkum íbúum og starfsfólki Dyngju kærlega fyrir móttökurnar og óskum nemendum og foreldrum þeirra og kennurum til hamingju með glæsilega frammistöðu!