Tónleikar á Dyngju

Nemendur og kennarar Tónlistarskólans lögðu leið sína á hjúkrunarheimilið Dyngju þann 24. mars og héldu mánaðarlegu tónleika skólans þar. Á tónleikum komu nemendur Bríetar, Hrafns Heiðars og Sándors fram, auk eins nemanda út Tónlistarskólanum í Fellabæ sem við fengum að láni þennan dag. Tónleikarnir voru fjölbreyttir og skemmtilegir og mátti heyra leikið á þverflautu, píanó, saxófón, klukkuspil, selló og gítar. Nemendurnir stóðu sig allir alveg frábærlega og áheyrendur studdu virkilega vel við þá. Við þökkum íbúum og starfsfólki Dyngju kærlega fyrir móttökurnar og öðrum gestum fyrir komuna og stuðning við nemendur og óskum nemendum og kennurum til hamingju með tónleikana!