Tónleikar á Dyngju

Tónlistarskólinn hélt síðustu tónleika sína á þessu starfsári á hjúkrunarheimilinu Dyngju þriðjudaginn 26. maí. Á tónleikunum mátti heyra söngatriði, píanóleik og gítarleik og var efnisskráin fjölbreytt og skemmtileg. Óvenju mikill fjöldi flytjenda var á þessum tónleikum, þar sem stór kór söng í lok þeirra og var það mjög gaman að heyra. Nemendur stóðu sig að vanda mjög vel og greinilegt að áheyrendur nutu tónleikanna. Við þökkum íbúum og starfsfólki Dyngju kærlega fyrir móttökurnar á þriðjudag og líka bara í allan vetur. Við kunnum virkilega að meta þetta samstarf og þau tækifæri sem nemendur fá til að koma reglulega fram þarna.