Tónleikar á Dyngju

Við áttum yndislega stund saman með íbúum og gestum hjúkrunarheimilisins Dyngju þriðjudaginn 29. nóvember, en þá mættu nemendur og sungu og spiluðu á píanó, gítar og fiðlu. Nemendur voru allir vel undirbúnir og stóðu sig alveg gífurlega vel, svo það er óhætt að segja að við séum mjög stolt af þeim. Við þökkum íbúum og starfsfólki Dyngju kærlega fyrir móttökurnar og ekki síst foreldrum fyrir að koma og styðja svona vel við nemendurna. Næstu tónleikar okkar á Dyngju verða jólatónleikar, og þá má búast við að það verði aðallega flutt jólatónlist og við hlökkum vitaskuld mikið til að koma aftur!