Tónleikar á Dyngju

Fyrstu tónleikar skólaársins á vegum skólans fóru fram á hjúkrunarheimilinu Dyngju kl. 15:00 þriðjudaginn 29. september. Fengu íbúar að hlýða á nemendur í blásturshljóðfæraleik auk söngs. Tónleikarnir voru í styttra lagi, en sýndu þó vel fram á breidd nemendahópsins í tónlistarskólanum, en flytjendur voru allt frá mjög ungum nemendum sem eru rétt að hefja sitt tónlistarnám upp í lengra komna nemendur og fullorðna nemendur. Nemendur stóðu sig með stakri prýði að vanda og við erum stolt af þeirra frammistöðu. Við þökkum íbúum og starfsfólki Dyngju kærlega fyrir móttökurnar og hlökkum til að heimsækja Dyngju mánaðarlega það sem eftir er skólaársins.