Tónleikar á Dyngju

Aðrir tónleikar ársins á hjúkrunarheimilinu Dyngju fóru fram þriðjudaginn 27. október kl. 15:00, en slíkir tónleikar eru mánaðarlegur viðburður á vegum skólans allt skólaárið. Á þessum tónleikum komu nemendur Héctors og Berglindar fram og voru píanónemendur sérstaklega áberandi, en einnig mátti heyra blokkflautuleik. Efniskráin var fjölbreytt, en heyra mátti þjóðlagatónlist, sígilda tónlist, barnalög og þjóðlagarokk á tónleikunum. Nemendur, sem voru á ýmsum aldri og á ýmsum stöðum í sínu námi, stóðu sig afskaplega vel að vanda. Við þökkum starfsfólki og íbúum Dyngju innilega fyrir að taka á móti okkur og hlökkum til að koma aftur og halda tónleika 24. nóvember!