Tónleikar á Dyngju 30. apríl

Nemendur og kennarar Tónlistarskólans lögðu leið sína á hjúkrunarheimilið Dyngju þriðjudaginn 30. apríl og héldu þar sína mánaðarlegu tónleika fyrir íbúa og aðra gesti. Tónleikarnir voru fjölbreyttir og skemmtilegir og á þeim mátti heyra allt frá nemendum sem voru að koma fram í allra fyrsta sinn á tónleikum og upp í framhaldsnema. Auk söngs léku nemendur á píanó, gítar, fiðlu, selló og blokkflautu og mátti heyra klassíska tónlist, þjóðlagatónlist og popptónlist. Það er alltaf jafn yndislegt að koma á Dyngju og var þetta ánægjuleg stund. Við þökkum íbúum og starfsfólki fyrir móttökurnar og óskum nemendum til hamingju með flotta tónleika!