Tónleikar á Dyngju

Nemendur og kennarar Tónlistarskólans heimsóttu hjúkrunarheimilið Dyngju þriðjudaginn 22. október og spiluðu og sungu fyrir íbúa og aðra gesti. Á tónleikunum mátti heyra píanóleik, fiðluleik, xýlófónleik, trommuleik, söng og meira að segja rapp! Tónlistin af ýmsum toga en popp, þjóðlagatónlist og sígildar perlur voru áberandi á efnisskránni. Nemendur stóðu sig með mikilli prýði og var þetta mjög ánægjuleg stund. Við þökkum íbúum og starfsfólki Dyngju kærlega fyrir móttökurnar og óskum nemendum og aðstandendum þeirra til hamingju með flotta tónleika. Við hlökkum svo til að heimsækja Dyngju aftur í næsta mánuði, en alls níu tónleikar eru ráðgerðir þar á þessu skólaári.