Tónleikar á Dyngju

Nemendur og kennarar lögðu leið sína á hjúkrunarheimilið Dyngju þriðjudaginn 27. nóvember til þess að spila og syngja fyrir íbúa, en skólinn fer þangað mánaðarlega. Dagskráin var fjölbreytt og vönduð og nemendur voru á öllum stigum náms, allt frá fyrsta ári til framhaldsnáms. Auk söngs var leikið á píanó, gítar og selló og nemendur voru vel undirbúnir og stóðu sig með mikilli prýði. Meirihluti efnisskrárinnar var sígild tónlist, en þó mátti líka heyra nokkur jólalög og aðeins poppaðra efni. Við þökkum íbúum og starfsfólki Dyngju kærlega fyrir móttökurnar og hlökkum til að mæta í næsta mánuði og spila þá jólalög!