Tónleikar á Dyngju

Tónlistarskólinn hélt sína mánaðarlegu tónleika á hjúkrunarheimilinu Dyngju þriðjudaginn 28. janúar. Voru þetta stuttir og laggóðir tónleikar þar sem nemendur stóðu sig með mikilli prýði. Nemendur léku á píanó, xýlófón, saxófón, fiðlu og gítar og því óhætt að segja að fjölbreytnin hafi verið í fyrirrúmi. Á efnisskrá var þjóðlagatónlist, jazztónlist og kvikmyndatónlist ásamt perlum úr sígildri tónlist. Var þetta ánægjuleg stund í alla staði og mikil ánægja með spilamennskuna hjá nemendunum. Við þökkum íbúum og starfsfólki Dyngju fyrir hlýjar og góðar móttökur og hlökkum til að koma aftur í næsta mánuði, enda alltaf gott að koma á Dyngju og spila!