Tónleikar á Dyngju

Nemendur og kennarar Tónlistarskólans lögðu leið sína á Hjúkrunarheimilið Dyngju þriðjudaginn 25. febrúar til þess að halda tónleika fyrir íbúa, en þangað förum við einu sinni í mánuði allt skólaárið. Að þessu sinni mátti heyra píanóleik, fiðluleik og söng á tónleikunum. Nemendur voru á öllum stigum náms og tónlistin fjölbreytt, allt frá dægurlögum og yfir í klassíska píanósónötu. Nemendur stóðu sig að vanda með mikilli prýði og gaman að sjá hvað áheyrendur tóku þeim vel. Við þökkum íbúum og starfsfólki Dyngju kærlega fyrir móttökurnar og hlökkum til að koma aftur í heimsókn til þeirra í mars með fleiri glæsilega nemendur!