Tónleikar á hjúkrunarheimilinu Dyngju

Nemendur Tónlistarskólans lögðu leið sína á hjúkrunarheimilið Dyngju í annað sinn á þessari önn þiðjudaginn 29. nóvember. Að þessu sinni léku nemendur á píanó og sungu fyrir íbúa. Vel var tekið á móti nemendum okkar, sem stóðu sig með prýði og voru skólanum til sóma. Atriðin voru fjölbreytt, og komu dægurlög, sígild tónlist og jólalög við sögu. Næst leggjum við leið okkar í Dyngju á mánudaginn 5. desember, en þá verður flutt jólaleg dagskrá í hátíðarsalnum.