Tónleikar Heru Bjarkar

Tveir af nemendum skólans, þær Ragnhildur Elín Skúladóttir og Soffía Mjöll Thamdrup, fengu frábært tækifæri til þess að taka þátt í tónleikum Heru Bjarkar, „Ilmur af jólum“, en þeir voru haldnir í Egilsstaðakirkju þann 16. desember. Ragnhildur og Soffía eru báðar að æfa söng í Tónlistarskólanum og spila auk þess báðar á fiðlu, en þær fengu bæði að spila og syngja á tónleikunum. Hér má sjá myndband af þeim að spila og syngja jólalagið Hátíð fer að höndum ein ásamt Ástvaldi Trausta. Ragnhildur og Soffía voru skólanum til sóma á tónleikunum og er mjög gleðilegt að þær hafi fengið þetta tækifæri.