Tónleikar í Dyngju

Þriðjudaginn 27. febrúar hélt Tónlistarskólinn á Egilsstöðum sína mánaðarlegu tónleika í hjúkrunarheimilinu Dyngju. Í þetta sinn voru það mestmegnis píanónemendur sem komu fram, en þó mátti einnig heyra gítarleik og söng. Tónleikarnir voru vel sóttir af íbúum og var flutningi nemenda afar vel tekið. Meðal þeirra sem komu fram voru nemendur sem munu spila á mánudagskvöldið 4. mars í Egilsstaðakirkju, en það kvöld verða forvalstónleikar skólans fyrir Nótuna og verða þá valin þau atriði sem skólinn sendir á svæðistónleika Nótunnar á Eskifirði 23. mars. Einnig mátti heyra dæmi um það sem skólinn sendir í Chopin píanókeppnina í Reykjavík 30.-31. mars.