Tónleikar í Dyngju

Fyrstu tónleikar skólaársins í hjúkrunarheimilinu Dyngju fóru fram þriðjudaginn 18. október, en venjulega höldum við tónleika þar einu sinni í mánuði. Nemendur fluttu þar fjölbreytt úrval af tónlist og mátti heyra söng, gítarleik, píanóleik, fiðluleik og saxafónleik á tónleikunum. Nemendur fluttu popplög, þjóðlagatónlist og klassíska tónlist auk tónlistar í jazz stíl og stóðu sig allir með prýði. Það var sérstaklega ánægjulegt að einn nemandi, Ína Berglind Guðmundsdóttir, flutti frumsamin lög á tónleikunum fyrir íbúa. Þetta var ánægjuleg stund í alla staði og þökkum við starfsfólki og íbúum Dyngju fyrir góðar móttökur og vonum að þau sem heyrðu hafi notið tónleikanna.