Tónleikar í Dyngju

Tónlistarskólinn hélt sína mánaðarlegu tónleika í hjúkrunarheimilinu Dyngju þriðjudaginn 24. janúar. Það þessu sinni voru það mestmegnis ungir píanónemendur sem stigu á svið, ásamt tveimur söngnemendum sem spiluðu báðar sjálfar undir hjá sér á gítar. Að vanda var efnisskráin fjölbreytt með klassík, þjóðlagatónlist, jazztónlist og poppi. Nokkuð var um forföll nemenda á þessum tónleikum og því spiluðu Sóley skólastjóri og Edgars gítar- og píanókennari nokkur lög fyrir íbúa og höfðu bara gaman af því að hlaupa í skarðið fyrir nemendur. Við þökkum íbúum og starfsfólki Dyngju kærlega fyrir góðar móttökur og hlökkum til að koma aftur í heimsókn í febrúar!