Tónleikar í Dyngju

Tónlistarskólinn hélt sína mánaðarlegu tónleika á hjúkrunarheimilinu dyngju þriðjudaginn 28. febrúar. Nemendur léku á píanó og gítar og sungu fyrir íbúa og var þeim afar vel tekið. Að þessu sinni voru nemendur á öllum aldri að koma fram, allt frá nemendum í 3. bekk og til fullorðinna söngnemenda nemenda. Efnisskráin var að vanda fjölbreytt, og heyra mátti íslensk sönglög í bland við klassíska tónlist, þjóðlagatónlist, popp og söngleikjatónlist. Nemendur stóðu sig með mikilli prýði og voru til fyrirmyndar í alla staði. Við þökkum íbúum og starfsfólki Dyngju kærlega fyrir móttökurnar og hlökkum til að koma aftur í heimsókn í mars!