Tónleikar í Dyngju

Tónlistarskólinn hélt sína mánaðarlegu tónleika á hjúkrunarheimilinu Dyngju þriðjudaginn 31. október. Þennan dag héldu margir nemendur upp á hrekkjavöku og mátti því sjá marga nemendur í búningum, skemmtilegum og hræðilegum. Nemendur voru afskaplega vel undirbúnir og spiluðu og sungu fjölbreytta tónlist með glæsibrag fyrir íbúa. Heyra mátti píanóleik, söng, gítarleik, fiðluleik, víóluleik og sellóleik að þessu sinni og fluttu nemendur allt frá sígildri tónlist og þjóðlögum til nýlegra íslenskra popplaga. Við þökkum íbúum og starfsfólki Dyngju innilega fyrir móttökurnar og óskum nemendunum til hamingju með flottan tónlistarflutning. Við hlökkum svo að sjálfsögðu til að kíkja aftur í heimsókn í nóvember!