Tónleikar í Dyngju

Nemendur og kennarar Tónlistarskólans á Egilsstöðum lögðu leið sína á hjúkrunarheimilið Dyngju í síðasta sinn á þessu skólaári þriðjudaginn 28. maí. Að þessu sinni komu fram nemendur á píanó og fiðlu. Yngstu nemendurnir sem komu fram á þessum tónleikum voru í öðrum bekk og sá elsti fullorðinn og var dagskráin fjölbreytt og skemmtileg. Heyra mátti blústónlist, ýmis barnalög og þjóðlög ásamt sígildri tónlist og tónlist úr sjónvarpsþætti. Var þetta afar ljúf stund og við þökkum starfsfólki og íbúum Dyngju innilega fyrir móttökurnar. Við hlökkum til að koma aftur á Dyngju á næsta skólaári með fleiri tónleika og fleiri flotta nemendur!