Tónleikar í Dyngju 19. nóvember

Nemendur Tónlistarskólans héldu tónleika í hjúkrunarheimilinu Dyngju þriðjudaginn 19. nóvember. Tónleikunum var vel tekið af íbúum, sem voru mjög hvetjandi við nemendur. Nemendur stóðu sig að vanda með stakri prýði og voru tónleikarnir fjölbreyttir og skemmtilegir. Á tónleikunum mátti heyra píanóleik, trompetleik, flautuleik, fiðluleik og söng og komu nemendur á öllum aldri og öllum stigum fram. Meðal atriða á efnisskrá voru þjóðlög, sígild tónverk og meira að segja lag úr teiknimynd. Tónlistarskólinn heldur aftur tónleika í Dyngju 17. desember og munu nemendur þá leggja áherslu á að flytja jólatónlist fyrir íbúa og gesti. Við þökkum íbúum og starfsfólki fyrir móttökurnar!