Tónleikar í Dyngju 25. apríl

Þriðjudaginn 25. apríl heimsóttu nemendur tónlistarkólans hjúkrunarheimilið Dyngju til þess að syngja og spila nokkur vel valin lög, en það er mánaðarlegur vani hjá skólanum. Á tónleikunum komu fram bæði píanónemendur og söngnemendur og var þeim vel tekið. Efnisskráin var fjölbreytt og innihélt bæði innlenda og erlenda tónlist í sígildum, þjóðlaga- og dægurlagastíl. Margir af þeim nemendum sem þarna komu fram stefna á stigspróf og áfangapróf á næstunni, þannig að þetta var mjög gott tækifæri fyrir þá að fá að flytja það sem þeir eru að æfa til prófs fyrir áheyrendur. Við þökkum húkrunarheimilinu Dyngju fyrir hlýjar og góðar mótttökur.