Tónleikar í Dyngju

Það var mikil gleðistund hjá okkur þriðjudaginn 19. október, þegar Tónlistarskólinn hélt sína fyrstu tónleika í hjúkrunarheimilinu Dyngju síðan áður en samkomutakmarkanir skullu á vegna COVID. Íbúar tóku afskaplega vel á móti okkur. Í þetta sinn voru það fyrst og fremst fullorðnir söngnemendur sem komu fram, en íbúar fengu einnig að heyra flautuleik, og allir stóðu sig mjög vel. Mest var um íslensk lög á efnisskránni að þessu sinni en einnig mátti heyra ítalska og franska tónlist. Vonumst við til þess að geta nú hafið aftur mánaðarlegar heimsóknir í hjúkrunarheimilið, en við höfum saknað þess mikið að fara til þeirra!