Tónleikar í Dyngju í janúar

Nemendur Tónlistarskólans lögðu leið sína sem oftar í hjúkrunarheimilið Dyngju þann 30. janúar síðastliðinn til þess að spila fyrir íbúa þar. Boðið var upp á píanó-, gítar- og flautuleik og stóðu nemendur sig vel að vanda. Í þetta sinn fengu íbúarnir að heyra í nokkrum af þeim atriðum sem höfðu verið flutt kvöldið áður á forvalstónleikum Nótunnar og var mikil ánægja með það. Það var mjög gott fyrir þá nemendur sem síðar áttu að spila í Hofi á Akureyri að fá annað tækifæri til þess að leika verk sín fyrir áhorfendur. Nemendur munu fara aftur í Dyngju þann 27. febrúar.