Tónleikar í Dyngju í lok janúar

Nemendur og kennarar Tónlistarskólans lögðu leið sína sem oftar í hjúkrunarheimilið Dyngju þann 30. janúar. Í þetta sinn var boðið upp á blásturhljóðfæraleik, píanóleik og söng. Nemendur voru til fyrirmyndar sem oftar og tóku íbúar vel á móti þeim. Á vorönninni eru ráðgerðir fjórir tónleikar í viðbót á Dyngju, flestir á mánudagseftirmiðdögum. Það er afar jákvætt fyrir nemendur okkar að hafa svona reglulega tækifæri til þess að fara út í nærsamfélagið til þess að spila og syngja fyrir fólk.