Tónleikar í Dyngju í október

Nemendur Tónlistarskólans mættu galvaskir á hjúkrunarheimilið Dyngju þriðjudaginn 15. október og spiluðu og sungu fyrir íbúa í annað sinn á þessu skólaári. Í þetta sinn var boðið upp á söng, píanóleik, gítarleik, trompetleik og flautuleik og mátti heyra dægurlög, klassísk tónverk, leikhústónlist, þjóðlög og rokk. Nemendur stóðu sig frábærlega og íbúar Dyngju tóku þeim mjög vel, sem endranær. Það var sérstaklega ánægjulegt að þarna þreyttu nokkrir nemendur frumraun sína á tónleikum og gerðu það með miklum sóma. Næstu tónleikar Tónlistarskólans í Dyngju verða síðan þriðjudaginn 19. nóvember og má reikna með að á þeim tónleikum verði sérstök áhersla á söng.