Tónleikar í Hjúkrunarheimilinu Dyngju 25. október

Nemendur Tónlistarskólans héldu skemmtilega tónleika fyrir íbúa Hjúkrunarheimilisins Dyngju þiðjudaginn 25. október kl. 15:00. Slíkir tónleikar hafa verið reglulegur liður í skólastarfinu okkar um nokkurt skeið og til stendur að halda því ágæta starfi áfram. Alls komu þrettán nemendur fram og léku og sungu fjölbreytta tónlist. Leikið var á píanó og gítar og sungið. Flutt var bæði sígild tónlist og dægurlagatónlist og fengu nemendur góðar undirtektir. Þetta var um margt spennandi viðburður. Til dæmis voru þetta allra fyrstu tónleikar eins af okkar nýjustu og yngstu nemendum! Nemendur skólans voru til fyrirmyndar varðandi hegðun og stóðu sig frábærlega í alla staði.