Tónleikar í Hlymsdölum

Nemendur og kennarar Tónlistarskólans heimsóttu félagsmiðstöðina Hlymsdali miðvikudaginn 25. febrúar og héldu tónleika fyrir gesti. Í þetta sinn voru það fullorðnir nemendur skólans sem komu fram. Sú hugmynd hafði komið upp að gott væri halda sérstaka tónleika þar sem þeir nemendur kæmu fram og var ljóst að þetta var mjög góð hugmynd. Nemendur léku verk frá helstu tímabilum tónlistarsögunnar á fiðlu, selló og básúnu og stóðu sig með mikilli prýði. Tónleikarnir voru vel sóttir og mikil ánægja með þá hjá gestum, svo það er ljóst að við ættum að fara oftar þangað með nemendur. Við þökkum kærlega fyrir frábærar móttökur!