Tónleikar TME

Tónlistarfélag Menntaskólans á Egilsstöðum hefur haldið tvenna glæsilega og krefjandi tónleika með stuttu millibili núna á vorönn. Fyrri tónleikarnir voru Pink Floyd tónleikar þann 12. apríl og þeir síðari voru „Best of“ tónleikar, þar sem flutt voru ýmis lög sem félagið hefur tekið á tónleikum undanfarin ár og fóru þeir fram 10. maí. Tónlistarskólinn átti marga núverandi og fyrrverandi nemendur á sviðinu og erum við afar stolt af því að þessir nemendur skuli vera að taka þátt í tónlistarflutningu með svona sjálfstæðum hætti. Við óskum TME innilega til hamingju með þessa glæsilegu tónleika og hlökkum til að fylgjast með framhaldinu!