Tónleikar Tónlistarskólans á Egilsstöðum þriðjudaginn 3. mars kl. 18.00

Þriðjudaginn næstkomandi, 3. Mars, ætlum við að halda tónleika með nemendum Tónlistarskólans á Egilsstöðum. Tónleikarnir verða haldnir í Egilsstaðaskóla og hefjast kl. 18.00.

Það stóð til að halda valtónleika fyrir Nótuna sem átti að vera á Akureyri í lok febrúar en nú hefur það breyst og Nótan verður ekki með sama sniði og verið hefur.

Í staðinn fyrir að halda valtónleika ætlum við því bara að halda okkar eigin tónleika. Við vekjum athygli á því að það eiga ekki allir nemendur skólans að spila á þessum tónleikum en við myndum hafa mjög gaman af því að sjá sem flesta, þannig að þó þú eigir ekki að spila, endilega dragðu mömmu og pabba, afa og ömmu eða einhverja góða vini með þér og komdu og hlustaðu.

 Eftir tónleikana verður boðið upp á kaffi, djús og kökur.