Tónlist á jólaföndri

Foreldrafélag Egilsstaðaskóla hélt sitt árlega jólaföndur fimmtudaginn 27. nóvember. Var margt um manninn í skólanum á þessum tíma og mikið fjör. Nemendur Tónlistarskólans léku nokkur vel valin jólalög fyrir gesti, og var þá opnaður veggurinn inn í tónmenntastofu og leikið þar inni. Nemendur spiluðu á píanó, fiðlu og slagverk og stóðu sig allir afskaplega vel. Við þökkum foreldrafélaginu fyrir að bjóða okkur að taka þátt í þessum skemmtilega viðburði og óskum þeim nemendum sem spiluðu innilega til hamingju með flott atriði. Skólinn verður síðan með jólatónleika sína á miðvikudagskvöld í næstu viku og þá má reikna með virkilega flottum tónleikum!