Tónlist er fyrir alla

Meirihluti kennara skólans sótti frábæra tónlistarkennararáðstefnu í Hörpu sem bar yfirskriftina Tónlist er fyrir alla þann 8. og 9. september. Það er óhætt að segja að við komum aftur heim innblásin og full af nýjum hugmyndum og þekkingu sem mun nýtast okkur í skólastarfinu öllu. Á ráðstefnunni fengum við að heyra erindi frá glæsilegum hópi ungra tónlistarkennara, tónlistarkennslufrömuða og fræðimanna. Fjallað var m.a. um tónlistarskóla framtíðar, nýbreytni í tónlistarkennslu, samstarfsverkefni tónlistarskóla, áhrif tónlistarnáms á heilann (en þau eru gríðarlega jákvæð, mikil og varanleg!) og tónlist sem samfélagslega fjárfestingu. Einnig var fjallað um aðalnámskrá tónlistarskóla, en endurskoðun hennar er löngu tímabær!

Hér má lesa meira um ráðstefnuna.

Hér má heyra flott viðtal við Helgu Rut Guðmundsdóttir um mikilvægi tónlistar og tónlistarnáms.