Tónlist í dymbilviku

Þó að skólinn hafi verið í fríi í dymbilvikunni var mikið flutt af tónlist í kirkjum í Múlaþingi þá og nemendur Tónlistarskólans tóku virkan þátt í því. Meðal þess sem mátti heyra var heildarflutningur á Passíusálmum Hallgríms Péturssonar á vegum AusturÓps sem dreifðist á sex ólíkar kirkjur í Múlaþingi. Þar tóku nemendur þátt, bæði sem einsöngvarar og í kórsöng. Meðal þeirra sem sungu einsöng var Guðsteinn Fannar Jóhannsson, en hann kom fram á viðburðinum í Egilsstaðakirkju. Einnig fluttu tveir nemendur skólans tónlist við fermingarmessu í Egilsstaðakirkju á skírdag. Það sem nemendur læra í skólanum nýtist líka vel utan veggja skólans!