Tónlistareiningar metnar í ME

Tónlistarskólinn á Egilsstöðum hefur undanfarið unnið með Menntaskólanum á Egilsstöðum að nýrri tónlistarlínu á listnámsbraut menntaskólans og að því að festa í sessi mat á tónlistarnámi til eininga fyrir þá nemendur sem hafa lokið fullgildu grunnprófi í tónlist. Með þessu móti er komið til móts við nemendur sem vilja geta varið þó nokkrum tíma í tónlistarnám sitt og jafnvel tekið framhaldspróf í tónlist. Munu nemendur nú geta fengið allt að 63 einingar metnar úr tónlistarskólanum til stúdentsprófs. Við þökkum Menntaskólanum kærlega fyrir gott samstarf um þetta verkefni. Með því að smella á hlekkinn fyrir neðan má sjá afrakstur þessarar vinnu.

https://tonegilsstodum.fljotsdalsherad.is/is/nam-i-bodi/tonlistareiningar-i-me